![](http://upload.wikimedia.org/wikipedia/commons/thumb/3/3a/Euclide-Henrion-1632-p11.jpg/450px-Euclide-Henrion-1632-p11.jpg)
Grandevrs commensurables, sont celles là qui sont mesurees par une mesme mesvure..
Ainſi les deux lignes droictes A & B, eſtans meſurees par vne meſme ligne C, ſeront dictes commensurables. Ainſi außi une ligne de 6 pieds eſt commensurable auec vne autre ligne de 7 pieds, pource qu’elles ſont toutes deux meſures tant par la ligne d’un pied, quee par celle d’vn demy pied, d’un tiers de pied, & semblablement les ſuperficies, qui ſont meſurees par une meſme superficie, ſont dites commensurables : Item les corps, ou ſolides qui ſont meſurés par un meſme corps, ſont außi dits commensurables.
2. Mais les grandeurs incommenſurables, ſont celles là qui n’ont aucune commune meſure.
Telles grandeurs ſont le diametre & le coſté de quelconque quarré : car icelles grandeurs n'ont aucune commune meſure, comme il ſera demonſtré à la derniere prop. de ce liure. Il y a encores pluſieurs autres lignnes incommensurables, ſçauoir eſt auſquelles on ne peut donner aucune commune meſure, beaucoup deſquelles ſeront expliquees en ce 10. liure ; & enſeigné par quelles manieres elles peuuent eſtre trouuees : derechef, les ſuperficies ſont dites incommensurables, & les ſolides incommensurables, qui n'ont aucune commune meſure.