1. Tout parallelogramme rectangle, eſt dit eſtre contenu ſoubs deux lignes droictes qui font l'angle droict.
L a eſté dit en la 36. def. i. que c'eſt que parallelogramme, & qu'il y en a de quatre ſortes : mais maintenant il faut entendre qu'un parallelogramme eſt dit rectangle, lors qu'il a tous les angles droicts, & par conſéquent il y a ſeulement le quarré, comme ABCD, & le quarré long, comme EFGH, qui ſoient rectangles : car il n'y a que ces deux ſortes de parallelogrammes qui ayent les angles droicts. Et eſt à noter, qu'en tout parallelogramme ſi un ſeul angle eſt donné droict, il eſt necessaire que les trois autres ſoient außi droicts : comme par exemple, ſi l'angle E du parallelogramme EFGH eſt droict. Ie dis que les trois autres F, G, H, ſont außi droicts. Car d'autant que les lignes EF, GH ſont paralleles, les angles internes E & H, ſont egaux à deux droicts par la 29. p. i. leurs opposez G & F ſeront außi droicts. Et puis que par la 34. p. i. tout parallelogramme a les coſtez oppoſez egaux, il n'y peut auoir en un parallelogramme que deux coſtez inegaux, leſquels conſtituent chaque angle d'iceluy : C'eſt pourquoy Euclide dit icy, tout parallelogramme rectangle eſtre contenu ſous deux lignes droictes, qui comprennent un angle droict ; tellement que le parallelog. rectangle E F G H ſera dict eſtre contenu ſous les deux lignes droictes, EF, EH : ainſi les deux lignes droictes expriment toute la magnitude ou grandeur d'vn parallelogramme rectangle : ſçauoir 1'vne comme EF ou H G, ſa lon-
