Et adveneu l’heure d’une appres midy nous evesque nous serions dabondant transportés dans lad. parroisse ou tout le peuple estoit assemblé et appres leur avoir faict une petite exhortation aurions donné le sacrement de confirmation tant aux garçons que aux filles et que nous avons teuvés capables de le recevoir. Avons encore visité les ornements de lad. parroisse, et pardessus ceux contenus en nostre derniere santance de visite avons truvé[1] avoir este faict une aube, et une chesuble[2] tafetas fleuri incarné et blanc.
Ordonnance pour la parroisse de Boyon[3]
Nous evesque en provoyant aux necessités de lad. paroisse avons ordonné que conformement à nostre precedante santance de visite que premierement sera faict un marchepied de bois au metre authel dans quinzaine lequel temps passé l’avons interdict et deffendons au prieur
