aussi sera faict une muraille à travers de la place quy est au devant la porte de l’eglise au dessus de la plus haute pour fermer le cimetiere et deffendons d’y enterrer personne puis lad. muraille en bas le tout avec despens de la communauté. Ordonnons aux luminiers quy gardent les ornemens de donner au prieur les chasubles de la coleur du jour ordonnée par l’eglise auquel nous deffendons de dire la Ste messe autrement, et pour le regard de la demande faicte par les consuls sur la qualité des mesures dont ils se plaignent ordonne que les parties se prouvoiront pardevant quy s’appartient. Et deffendons au prieur de faire la cuilete du dixme du vin par soy mesme mais bien de commetre une personne de probité pour led. dixme comme aussi satisfaira à nostred. santance de visite par laquelle il y est enjoint.
