septembre mil six cens cinquante quatre avons ordonné qu’ils seront constraints d’y satisfere en vertu des lettres executoriales sur ce levées en vertu de nostredicte santance, et ce à la diligence desd. consuls. Et pourvoyant aux autres besoins de la paroisse, nous estant apperceu que le banq qui est dans le presbitere de l’eglise entre le grand authel et celluy de Nostre Dame du Rosaire est en une place deffendue par les saints canons, et nos ordonnances sinodales, et en telle sorte que les seculiers qui s’y metent sont plus eslevés que le prestre, et peuvent voir les ceremonies secretes qui se font en la celebration de la sainte messe, et causer de la distraction aux prestres celebrans et officians, et donner scandale au peuple, avons ordonné, que led. banq sera decendeu plus bas, et mis hors du presbitere ; et cependant deffendons à toutes femmes de quelle condition qu’elles soient, de se placer aud. banq , au lieu où il est à presant, pendent la celebration
