nousd. evesque nous serions dabondant transportés dans lad. parroisse et appres y avoir celebré la Sainte messe aurions visité le tres Saint Sacrement que nous avons teuvé reposer dans le tabernacle et dans un siboire d’argent, que nous avons donné, attendeu que l’autre qu’il y estoit a este perdeu entre les mains de la personne quy avoit prins la charge de le faire racommoder y ayant pareillement teuvé la vielle custode dont mention est faicte en nostre precedante santance de visite sans avoir esté racomodée ainsi que nous avions ordonné par ladite santance. Et ce faict avoir visité les Saintes huiles qu’avons teuvé dans l’armoire qui est a costé dudit authel, ensemble les fons baptismaux et les ornemens de lad. église et autres meubles d’icelle concistant/s en une croix a plaque d’argent garnie de ses poumes dorées deux calices l’un desquels a le pied de cuiuvre[1], un autre ciboire.
- ↑ Expression raturée : un ciboire que nous avons faict faire a nos despens et icelluy donné a lad. eglise
