Nous Louis de Thomassin par la Grace de dieu et du Saint siege apostolique, Evesque et Seigneur de Vence conseiller du roy en tous ses conseils savoir faisons que se jourdhuy douziesme nouvembre année presante mil six cens septante sept, appres avoir achevé nostre visite de la paroisse de la ville de St Pol nous en serions partis le mesme jour sur les quatre heures apres midy pour aller au lieu de Villeneufve fere nostre visite de la parroisse dudit lieu y donner le St Sacrement de Confirmat[io]n et pourvoir aux besoins et necessités de lad. paroisse en compagnie de messire Antoine Hugon prestre nostre Aumosnier, mettre Jacques Déguigues nostre greffier & autres de nostre suite &c.
Nous Evesque attandu que Messire Gaspard de Villeneufve sacristain en nostre eglise cathedralle prepandé au presant lieu de Villeneufve feu messire Francois Bruni vicaire precedant ou ses heoirs et la Com[muna]uté dud. lieu n’ont antiereement satisfait aux reparations & ornements ordonnés par nostre san[tan]ce de visite du septiesme dexcembre mil six cens septante deux avons ordonné qu’il sera satisfait dans trois mois pour ce qui reste à faire des ornements & reparations qui sont a faire, lesquelles concistent à faire une monte [sic] pour les hosties, un carton, un missel, un voille de tafetas blanc, un devant d’authel de Ligature, une nape pour la comunion aux frais & despans savoir les deux tiers dudit Messire de Villeneufve prebandé et l’autre tiers dudit sieur vicaire. Plus à reparer le clocher, fere un retable et tableau au mettre authel soubz la mesme representation qui est aux vieux retable, dorer le tabernacle, faire un batistere au devant dud. authel, le tout aux despans les deux tiers de la communauté dudit lieu et l’autre tiers par les perceue..[ ?]s dismes et un confessional aux despans de lad. com[muna]uté ; lesquelles reparations seront faites & parfaites dans l’espace du temps susdit & a faute du le fere passé. Ledit tempz avons interdit le service au mettre authel comme estant sans retable & avec un tableau indecent ; ordonnons que led. service sera faite alors dans la chapelle de saint marc dans ladite Eglise comme mieux ornée que le mettre authel dans les pervenance [ ?] dixmes ont eu sy peu de soin jusques a cette
