prestiges et fascinations, et que, reprenans leurs vrayes formes, ils se representent à leur naturel, et se monstrent tels qu’ils sont à la verité. Cingar, en moins de rien, se descharge de la figure de singe ; Fracasse quitte sa forme de bœuf ; Lyron n’est plus linx ; le sanglier devient Hippolyte ; le Centaure, qui estoit tout cheval, en perd la moité ; Falcquet reprend sa forme humaine, en se despoüillant de celle de renard ; Boccal se trouve devestu de sa peau grise d’asne. Ils changerent tous le poil ; mais quant aux coustumes, je ne sçay.
Or, parce que la chandelle est bruslée jusques au bout, et que la lampe vuide d’huile a consommé toute sa meche, j’en ay assez dit jusques icy ; à demain le demeurant.
elfore avoit entendu le grand meurtre qui avoit esté
Gfait des siens, et en avoit veu une partie de ses propres
yeux : dont elle estoit fort estonnée ; et, se voulant informer
plus à plein d’où estoit procedée ceste desconvenuë,
ceste vieille arriva vers elle, estant encor toute nuë, laquelle
s’estoit eschappée des pattes de Balde, comme une
vieille renarde que les païsans auroyent poursuivie plus
de six cens pas, crians après elle : « Au renard, prenez,
arrestez, courez, devant, à vous, icy, là, de là ! » laquelle
ainsi mal menée fuit la queue levée, fientant de rage de
peur villaines ordures, et pense avoir beaucoup fait pour
elle de pouvoir remporter sa peau entiere : elle s’escoule,
tirant la langue dehors un pied de long. Ainsi estoit de
ceste vieille, de toutes les vieilles la vraye ordure, la
