Le texte de cette page a été corrigé et est conforme au fac-similé.
20
L’homme
vne femme, & deux fils d’elle, que ie ne voulois point rendre miſerables, pour ſatisfaire à l’auarice de ce Faſcheux, & de ſes Aſſociez ; ie fus contraint de ceder à la neceſſité, qui me fit reſoudre de m’embarquer dans vne bonne Carraque, qu’on auoit frettée pour le voyage des Indes. Ie pris deux mille ducats, auec deſſein d’en trafficquer ; & en laiſſay autant à ma femme & à mes enfans, pour n’eſtre point depourueus tout à fait, s’il arriuoit faute de moy.
Durant mon ſejour aux Indes, i’employay ce que i’auois d’argent en ioyaux de toutes ſortes, principalement en eſmeraudes, en diamants, & en groſſes perles : Ie les
