Et dist et prommet loyaument
C’un service encores plus grant
Feroit de cuer liet et joiant
A leur fille et a toutes dames, f. 39 b
Ançois que nulz trop grant esclames
Leur fust repris de villonnie,
Ou il y metteroit la vie.
ien fu festiiés cele nuit
En grant joie et en grant deduit
Graciiens, car ce fu raisons.
Tout li chastiaus et la maisons
En furent forment resbaudi.
A l’endemain on entendi
Que Graciiens voloit partir.
Adonques li alan on offrir
Quel cose on feroit de Begot.
Ilz tantost ordené en ot
Et se le dit au chevalier,
Pere a la pucelle qui hier
Il avoit de peril osté :
« Sire, j’ai bien consideré
« Que cilz Begos s’est trop fourfais
« Et c’on ne li poet tant de fais
« Donner que bien a desservi ;
« Et pour ce que je voi en li
« Qu’il n’est ne loyaus ne estables,
« Vous prenderés de vos feables
« Sis ou .vii., ce que vous vodrés,
« Et par chiaus mener le ferés
« En la court dou bon roy Artu
« Qui regardera sus l’argu
Page:Froissart - Méliador, tome 1.djvu/231
Apparence
Le texte de cette page a été corrigé et est conforme au fac-similé.
151
Méliador