Mais Melyador li fist hors
Vuidier la selle et les arçons.
Hiraut crient : « Cilz bleus blasons
« Passera hui toutes les routes,
« Et par lui sont les presses routes
« Et chevalier mis a merchi. »
La dient les dame[s] : « Vechi
« Le chevalier qui fait merveilles.
« Il n’i a blanches ne vermeilles
« Armes, qui nullement le passent.
« Tous les lasse, pas ne le lassent
« Li chevalier qui sur lui viennent.
« A yaus avient, mais point n’aviennent
« A lui ; il est moult fortunés.
« Nous ne savons dont il est nés ;
« Mais, se longes vit, il fera
« Preu chevalier et telz sera. »
ames et damoisielles dient
Ensi, et pas ne contredient
Que li bleus chevaliers vaint tout.
Ce jour a maint hÿaume rout, f. 51 a
Mainte quaffe et tamaint escu,
Et maint chevalier abatu,
Qui de puis ne se peut aidier.
On se poroit esmervillier
Des grans proeces de son corps.
Encor en ira li recors,
Je l’espoir, a belle Hermondine,
Car ou chastiel est sa cousine
Qui li voit faire ces grans fais.
Elle dist moult bien : « Onques mais
« Ne vi chevalier de tel force ;
« Sur li tous li tournois s’efforce
« Et a tous il rent bien estire.
Page:Froissart - Méliador, tome 1.djvu/277
Le texte de cette page a été corrigé et est conforme au fac-similé.
197
Méliador
