Tant de voler com de chacier.
..............................
Revenir voeil a mes raisons.
Gaston, le bon conte de Fois,
Pour l’onnour dou conte de Blois,
Et pour ce que j’oc moult de painne
Tamaint jour et mainte sepmainne
De moi relever a minuit,
Ou temps que les cers vont en bruit,
Sis sepmainnes devant Noël
Et quatre après, de mon ostel
A mie nuit je me partoie
Et droit au chastiel m’en aloie.
Quel temps qu’il fesist, plueue ou vent,
Aler m’i convenoit. Souvent
Estoie, je vous di, moulliés,
Mès j’estoie bel recoeilliés
Dou conte, et me faisoit des ris :
Adont estoiie tous garis,
Et aussi, d’entrée premiere,
En la salle avoit tel lumiere,
Ou en sa chambre, a son souper,
Que on y veoit ossi cler
Que nulle clareté poet estre ;
Certes a paradys terrestre
Le comparoie moult souvent.
La estoie si longement
Que li contes aloit couchier,
Quant leü avoie un septier
De foeilles. Et a sa plaisance
Li contes avoit ordenance
Que le demorant de son vin,
Qui venoit d’un vaissiel d’or fin,
En moi sonnant, c’est chose voire,
Le demorant me faisoit boire,
Et puis nous donnoit bonne nuit.
Page:Froissart - Méliador, tome 1.djvu/7
Le texte de cette page a été corrigé et est conforme au fac-similé.
iii
Introduction
