« Que jamais n’en ira arriere
« Ne par trettiés, ne par priiere. »
nsi fu dou roy recueilliés
Messires Dagors dont pas liés
Ne fu, et bien y eut raison,
Ne li pluiseur de sa maison.
A toutes ces parolles dire,
Que li rois respondi par ire,
Estoit Saigremor en present,
Li filz dou roy certainnement,
Uns damoisiaus de bon afaire,
Et quoi qu’il li couvenist taire,
Se savoit il bien, tout au fort,
Que li rois ses peres a tort,
Et tout ce que Dagors a dit,
Quoi que li rois ait contredit,
Estoit pour l’onneur dou pays. f. 181 c
Si n’en est mies plus haÿs
Li chevaliers dou damoisiel.
Sus son poing tenoit ung oisiel
Ou en regardant s’esbanoie,
Et, se li parlers li anoie
Dou roy son pere grandement,
Se n’en moustre il nul mautalent,
Car il n’ose et se taist tous quois,
Et moult bellement a le fois
Regarde monsigneur Dagor.
En soy dist qu’il vodra encor
Parler a lui, ains qu’il se parte,
Et soit a gaaing ou a perte,
Il li comptera son voloir.
Dagor dou roy parti ce soir
Et en une cambre s’en vint,
Ou ce jour tout aise se tint,
Page:Froissart - Méliador, tome 3.djvu/88
Apparence
Le texte de cette page a été corrigé et est conforme au fac-similé.
83
Méliador