» S’il voloit ses amis requerre
» Et par la guerre aler avant,
» Jà lor en metteroit devant
» Des oultrageus et des despis,
» De quoi il vaudroient bien pis
» Encor fuissent-il plus grant mestre.
» Mès nennil, car pas ne voelt estre
» Rihotous, ne trop soursallis ;
» Non, s’il n’estoit si assallis
» Que force le fesist deffendre ;
» Mès il se lairoit ançois fendre
» Un grant cren, qu’il li avenist
» Ne que tencier le convenist,
» Tant est-il paciens et douls,
» Humbles à toutes et à tous ;
» Onques on n’i vit mesprison.
» En toutes places le prison,
» Et est tenus en grant chierté
» Pour sa grant debonnaireté.
» Las ! et point vous n’i prendés garde,
» Mès consentés trop bien qu’il arde
» Et bruisse en flame et en pouarre ;
» Se le fault-il d’iloec secourre ;
» Car comment qu’il ne soit point ci,
» Toutes et tous crions merci
» Pour li, et vous certefions
» Que c’est voir aujourd’ui li homs
» Qui plus vous airame et mieulz vous prise.
» Se seroit la chose mal prise
» S’il ne li estoit remeri.
Page:Froissart - Poésies (1829).djvu/483
Le texte de cette page a été corrigé et est conforme au fac-similé.
467
DE JEAN FROISSART.
