„De quelque ſerpent Getulin.
„De voix, de ſoupirs & de larmes
„Couure, coupable, ſon forfait,
„Et auecques les meſmes armes
„De ſon ennemy ſe desfait.
Iadis l’amante Sthenobee,
De pareil deſdain enflambee,
A ſon mary Prœte accuſa
Bellerophon , qui refuſa,
Trop chaſte, ſa flamme infidelle :
Et du regret, qui la ferut,
De le voir viure, eſchappé d’elle,
La cruelle à la mort courut.
Du meſme danger fut ſuiuie
De Pele l’innocente vie,
Par Acaſte Magneſien.
Maint & maint heros ancien,
Comme toy, bon Amazonide,
Voguant en ceſte meſme mer,
A cognu le cœur homicide
Des femmes qu’on ne daigne aimer.
Mais s’il y a là haut encore
Quelque deité qu’on adore,
S’il y a des Dieux ayans ſoin
D’aßiſter les bons au beſoin,
Ils permettront que la malice
Contre ta vertu rebouchant,
Recherra deſſus ſon authrice,
Bourreau de ſon crime meſchant.
Page:Garnier - Les tragedies de Robert Garnier - 1605.djvu/310
Le texte de cette page a été corrigé et est conforme au fac-similé.
286
53
HIPPOLYTE.
