Page:Gaston Phoebus - La Chasse, J-Lavallee, 1854.djvu/317

La bibliothèque libre.
Le texte de cette page a été corrigé et est conforme au fac-similé.

Chapitre soixante-treizième.
Ci devise comment on puet metre la charrette pour trère aux bestes.


Aussi puet on tuer les bestes à l’arc, que on ait une charrete toute environnée de feuilles, et luy meisme vestu de vert, et ceint par les costés et sur la teste de feuilles ; et qui soit sur cheval qui moine la charrete soit aussi couvert de feuilles ; ainsi aler tournant les bestes, jusques tant qu’il soit si près qu’il leur puisse trère à sa guise, car jà ne s’en effréeront. Et les rois de la charrete doivent estre estroit fermées, affin qu’ilz fassent plus grant bruit ; quar les bestes musent et escoutent et atendent plus voulentiers quant ilz oyent cela.

Séparateur