LXXXIV
Jusqu’à la tere si chevel li baleient ;
Greignur fais portet par giu, quant il s’enveiset,
Que quatre mul ne iunt, quant il sumeient.
Li gentilz quens de sun païs se seivret :
Soleilz n’i luist, ne blez n’i poet pas creistre ;
Pluie n’i chiet, rusée n’i adeiset,
Pierre n’i ad que tute ne seit neire.
Dient alquant que li diable i meignent.
Ço dist Chernubles : « Ma bone espée ai ceinte.
« En Rencesvals jo la teindrai vermeille ;
« Se trois Rollant, le prud, en roi ma veie ;
« Se ne l’ asaill, dunc ne faz jo que creire ;
« Si cunquerrai Durendal od la meie.
« Franceis murrunt e France en iert destreite, »
A icez moz li duze Per s’ aleient,
Itels cent milie Sarrazins od els meinent,
Ki de bataille s’arguent e hasteient.
Vunt s’aduber desuz une sapeie.Aoi.
LXXXV
Paien s’adubent d’ osbercs sarazineis ;
Tuit li plusur en sunt dublet en treis ;
Lacent lur helmes mult bons sarraguzeis ;
Ceignent espées de l’ acier vianeis.
Escuz unt genz, espiez valentineis ;
E gunfanuns blancs e blois e vermeilz.
Laissent, les muls e tuz les palefreiz ;
Es destriers.muntent, si chevalchent estreit.
Clers fut li jurz, e bels fut li soleilz,
980. Soleilz n’i tuist, etc. La géographie est, aux XIe - XIIe siècles, mêlée d’un grand nombre de fables, que les anciens nous avaient transmises.. Honoré d’Autun, décrivant l’Afrique en son Imago mundi, nous signalé dans Ie pays de Saba une fontaine qui est toujours froide durant le jour et brûlante