Tante hanste i ad e frai te e sanglente,
Tant gunfanun rumput e tante enseigne !
Tant bon Franceis i perdent lur juvente !
Ne reverrunt lur meres ne lur femmes,
Ne cels de France ki as porz les atendent.
Caries li Magnes en pluret, si s’ dementet.
De ço qui calt ? N’en avrunt succurance.
Malvais servise le jur lur rendit Guenes
Qu’en Sarraguce sa maisniée alat vendre.
Pois en perdit e sa vie e ses membres,
El’ plait ad Ais en fut jugiez à pendre ;
De ses parenz ensembl’od lui tel trente
Ki de murir n’en ourent espairnance. Aoi.
CXVI (??)
Reis Almaris, od la sue cumpaigne,
Par un destreit merveillus e estrange,
Vait à Gualtier ki guardet la muntaigne
E les destreiz devers les porz d’Espaigne :
« Guenes li fel, » dist Gualtiers li catanies,
« De nus ad fait mult dulurus escange. » Aoi.
CXVII (??)
Reis Almaris est sur le munt venuz,
E de paiens seisante milie od lui.
Franceis asaillent par force e par vertut,
Par grant irur trestuz les unt feruz,
Tuz les unt morz, ocis e cunfunduz.
Sur tuz les altres est Gualtiers irascuz,
Trait sun espée, enbracet sun escut,
As maistres rencs s’en vient les salz menuz,
Ad els s’ajustet, lur fist malvais salut.Aoi.
d’Orange, Baucent, etc. etc. Déjà nous connaissons Tencendur et Veillantif.
1408. Pois en perdit. Cette annonce prophétique du dénouement de la chan-
