Respunt li Quens : " Deus le me duinst vengier ?
Sun cheval brochet dès esperuns d’or mier.
Tïent Halteclere, sanglenz en est l’aciers :
Par grant vertut vait férir le paien,
Trenchet le cors, si ad mort le destrier,
Brandist sun colp, e Il Sarrazins chiet :
L’anme de lui enportent Aversier.
Pois, ad ocis le duc Alphaïen.
Escababi i ad le chief trenchiet,
Set Arrabiz i ad deschevalciet :
Cil ne sunt prud jamais pur guerreier.
Ço dist Rollanz : " Mis cumpainz est iriez ;
" A nul altre hume ne voeilt l’apareillier ;
" Encontre mei fait asez à preisier.
" Pur itels colps nus ad Carles plus chiers. "
A voiz escriet : " Ferez i, chevalier ! "Aoi.
CXXXIII
D’altre part est uns paiens, Valdabruns.
Celui levat le rei Marsiliun :
Sire est par mer de quatre cenz dr odmunz :
N’i ad eschipre ki s’ cleimt se par lui nun.
Jérusalem prist ja par traïsun,
Si violat le temple Salemun,
Le Patriarche ocist devant les funz.
Cil ont fiance de l’ cunte Guenelun :
Il li dunat s’espée e mil manguns.
Siet el’ cheval qu’il cleimet Gramimund :
Plus est isnels que nen est uns falcun ;
Brochet le bien des aguz esperuns,
Si vait férir le riche duc Sansun,
L’escut li freint e l’osberc li derumpt,
El’ cors li met les pans de l’ gunfanun,
1523. Jérusalem prist. En 1012, le calife Hakem persécuta les chrétiens, détruisit la grande église de Jérusalem et fit crever les yeux au’ patriarche Jérémie. Le retentissement de ces crimes dut être grand eu Europe, et ils ont peut-être inspiré l’auteur de notre Roland ou un de ses devanciers. Cf. ce que nous avons dit de Geoffroi d’Anjou (v. 106) et de Richard de Nor-
