Mult par ert pesmes e orgoillus e fiers,
Sun cors meïsme i asalt e requiert,
A braz se prenent ambedui pur luitier ;
Mais ço ne set quels abat ne quels chiet..
Li Emperere ne s’est mie esveilliez.Aoi.
CCXVI
Après icele li vient altre avisiun :
Qu’il ert en France, ad Ais, ad un perrun,
En dous caeines si teneit un brohun.
Devers Ardene veeit venir trente urs :
Cascuns parolet altresi cume hum.
Diseient li : « Sire, rendez le nus !
« Il nen est dreiz que il seit mais od vus ;
« Nostre parent devum estre à sueurs. »
De sun palais vint uns veltres le curs,
Entre les altres asaillit le greignur
Sur l’herbe verte, ultre ses cumpaignuns.
Là vit li Reis si merveillus estur ;
Mais ço ne set li quels veint ne quels nun...
Li angles Deu ço mustret à l’ barun.
Caries se dort tresqu’ à l’ main à l’ cler jur.Aoi.
CCXVII
Li reis Marsilies s’en fuit en Sarraguce :
Suz un olive est descenduz en l’umbre.
S’espée rent e sun helme e sa brunie,
Sur la verte herbe mult laidement se culchet.
La destre main ad perdue trestute :
De l’ sanc qu’en ist se pasmet e anguisset.
Dedevant lui sa muillier Bramimunde
Pluret e criet, mult forment se doluset ;
Ensembl’od lui plus de trente milie humes
2538. Devers Ardene, etc. La Karlamagnus Saga a mal compris ce passage : « Karlamagnus rêva qu’il était chez lui, au pays des Franks, dans son palais.. Et il lui sembla qu’il avait les fers aux pieds, Et il vit trente hommes
