Si prent le Cunte entre ses mains ambsdous,
2880 Sur lui se pasmet, tant par est anguissus.Aoi.
CCXXXVI
Li Emperere de pasmeisun revint.
Naimes li dux e li quens Acelins ?
Gefreiz d’Anjou e sis frère Tierris
Prenent le Rei, si l’ drecent suz un pin.
885 Guardet à tere, veit sun nevuld gesir.
Tant dulcement à regreter le prist :
« Amis Rollanz, de tei ait Deus mercit !
« Unkes nuls hum tel chevalier ne vit
« Pur granz batailles juster e defenir.
2890 « La meie honur est turnée en declin. »
Caries se pasmet, ne s’en pout astenir. Aoi.
CCXXXVII
Caries li reis revint de pasmeisun ;
Par mains le tienent quatre de ses baruns.
Guardet à tere, veit gésir sun nevuld ;
2895 Cors ad gaillard, perdue ad sa culur,
Turnez ses oilz, mult li sunt tenebrus.
Caries le pleint par feid e par amur :
« Amis Rollanz, Deus metet t’anme en flurs,
« En pareïs, entre les glorius !
2900 « Oumen Espaigne venis à m’al, seignur !
« Jamais n’iert jurz de tei n’aie dulur.
« Cum decarrat ma force e ma baldur !
« Nen avrai ja ki sustienget m’honur ;
« Suz ciel ne quid aveir ami un sul.
2905 « Se j’ai parenz, nen i ad nul si prud. »
Trait ses crignels pleines ses mains ambsdous,
Sur lui se pasmet tant par ’est anguissus ;
Cent milie Franc en unt si grant dulur
Nen i ad cet ki durement ne plurtAoi.