« Se de.venir Arrabit ne s’ repentent,
« La mort Rollant lur quid chièrement vendre. »
Respunt dux Naimes : « E Deus le nus cunsentet ! » Aoi.
CCXLVII
Carles apelet Rabel e Guineman ;
3015 Ço dist li Reis : « Seignurs, jo vus cumant ;
« Seiez es lius Olivier e Rollant :
« L’uns port l’espée, e l’altre l’olifant ;
« Si chevalchiez el’ premier chief devant,
« Ensembl’od vus quinze millier de Francs,
3020 « De bachelers, de noz meillurs vaillanz.
« Après icels en avrat altretant :
« Si ’s guierat Gibuins e Loranz. »
Naimes li dux e li quens Jozerans
Icez eschieles bien les vunt ajustant.
3025 S’il troevent o, bataille i iert mult grant :
Il i ferrunt des espées trenchanz.Aoi.
CCXLVIII
Dé Franceis sunt les premières eschieles.
Après les dous establisent la tierce.
En cele sunt li vassal de Baivière :
A trente milie chevaliers la preisièrent ;
3030 la devers els bataille n’iert laissiée :
Suz ciel n’ad gent que Carles ait plus chière,
Fors cels de France ki les règnes cunquièrent.
Li quens Ogiers li Daneis, li puigniere,
Les guierat, kar la cumpaigne est fière.
CCXLIX
3035 Or treis eschieles ad l’ emperere Carles.
Naimes li dux pois establist la quarte
3019. Quinze millier de Francs. C’est en scène les Parisiens, qu’il couvre ici que le manuscrit de Versailles met d’éloges : Ensemble o vos. XX. M. Pa-
