« En plusurs gestes de lui sunt granz honurs ;
« Il nen ad mie de Rollant sun nevuld ;
" N’avrat vertut que s’tienget contre nus. »Aoi.
CCLX
« Bels filz Malprimes, » ço li dist Baliganz,
3185 « Hier fut ocis li bons vassals Rollanz
« E Oliviers, li pruz e li vaillanz,
« Li duze Per, que Carles amat tant,
« De cels de France vint milie cumbatant.
« Trestuz les altres ne pris jo mie un guant.
3190 « Li Emperere repairet veirement :
« Si l’ m’a nunciet mis més li Sulians
« Que dis eschieles en ad faites mult granz,
« Cil est mult pruz ki sunet l’olifant,
« D’un graisle cler sis cumpainz racatant ;
3198 « E si chevalchent el’ premier chief devant-,
« Ensembl’od els quinze millier de Francs,
« De bachelers que. Caries cleimet enfanz ;
« Après icels en i ad altretanz :
« Cil i ferrunt mult orgoillusement. »
3200 Ço dist Malprimes : « Le colp vus en demant. »Aoi.
CCLXI
« — Bels filz Malprimes, » Baliganz li ad dit,
« Jo vus otri quanque m’avez ci quis :
« Cuntre Franceis sempres irez férir ;
« Si i merrez Torleu, le rei persis,
3205 « E Dapamort, un altre rei leutiz.
« Le grant orgoill se ja puez matir
« Que l’olifant ja ne sunet e ne crit,
« Jo vus durrai un par de mun païs
« Dès Cheriant entresqu’en Val-Marchis. »
E cil respunt : « Sire, vostre mercit ! »
3210 Passet avant, le dun en requeillit :
Ç’ est de la tere ki fut à. l’ rei Flurit.
