CCCVI
À Carlemagne repairent si barun ;
Dient à l’ Rei : « Sire, nus vus preium
« Que clamez quite le cunte Guenelun,
3810 « Pois si vus servet par feid e par amur ;
« Laissiez le vivre, kar mult est gentilz hum.
« Morz est Rollanz, jamais ne l’ reverrum,
« Ne pur aveir ja ne l’ recuverrum. »
Ço dist li Reis : « Vus estes roi felun ! »Aoi.
CCCVII
3815 Quant Carles veit que tuit li sunt faillit,
Mult l’enbrunchit e la chière e le vis,
A l’ doel qu’il ad si se cleimet caitifs.
As li devant uns chevaliers, Tierris,
Frere Gefreid, à un duc angevin :
3820 Heingre ont le cors e graisle e eschewit,
Neirs les chevels e alques brun le vis ;
N’est gueres granz ne trop nen est petiz ;
Curteisement l’Empereur ad dist :
« Bels sire reis, ne vus dementez si.
3825 « la savez vus que mult vus ai servit ;
« Par anceisurs dei jo tel plait tenir.
« Que que Rollanz Guenelun forsfesist,
" Vostre servise l’en doüst bien guarir.
« Guenes est fel d’iço qu’il le traïst,
3830 « Vers vus s’en est parjurez e malmis :
— « Pur ço le juz jo à pendre e à murir
« cors mètre el’ camp pur les mastins,
« Si cume fel ki felunie fist.
« S’ or ad parent m’ en voeillet desmentir,
3835 « A ceste espée que jo ai ceinte ici
