CCCXIII
Dist Pinabels : « Tierris, kar te recrei :
« Tis hum serai par amur e par feid,
« A tun plaisir te durrai mun aveir ;
3895 « Mais Guenelun j’ai acorder à l’ Rei.»
Respunt Tierris : « la n’en tiendrai cunseill,
« Tut seie fel, se jo mie l’otrei !
" Deus facet hoi entre nus dous le dreit ! » Aoi.
CCCXIV
Ço dist Tierris : « Pinabels, mult les ber.
3900 « Granz les e forz e tis cors bien mollez ;
« De vasselage te conoissent ti per :
« Ceste, bataille kar la laisses ester.
« À Carlemagne te ferai acorder :
« De Guenelun justise iert faite tel
3905 « Jamais n’iert jurz que il n’en seit parlet. »
Dist Pinabels : « Ne placet damne Deu !
" Sustenir voeill trestut mun parentet.
« N’en recrerrai pur nul hume mortel :
« Mielz voeill murir qu’ il me seit reprovet. »
3910 De lur espées cumencent à capler
Desur cez helmes ki sunt ad or gemmet,
Cuntre le ciel en sait li fous tuz clers ;
Il ne poet estre qu’il seient desevret.
Seinz hume mort ne poet estre afinet.Aoi.
CCCXV
3915 Mult par est pruz Pinabels de Sorence.
Si fiert Tierri sur l’helme de Provence :
Salt en li fous, que l’herbe en fait esprendre ;
De l’ brant d’acier l’amure li présentet,
Desur le frunt l’helme li en detrenchet,
3920 En roi le vis li ad faite descendre -
(La destre joe en ad tute sanglente) ;
