Li Reis cumandet un soen veier, Basbrun :
« Va, si ’s pent tuz à l’arbre de mal fust.
« Par ceste barbe, dont li peil sont canut,
3955 « S’ uns en escapet, morz les e cunfunduz.
Cil li respunt : « Qu’en fereie jo plus ? ».
Od cent serjanz par force les cunduit.
Trente en i ad d’icels ki sunt pendut.
Ki traïst hume, sei ocit e altrui.Aoi.
CCCXIX
3960 Pois, sunt turnet Baivier et Aleman
E Peitevin e Bretun e Norman.
Sur tuz les altres l’unt otriet li Franc
Que Guenes moerget par merveillus ahan.
Quatre destriers funt amener avant ;
3965 Pois, si li lient e les piez e les mains.
Li cheval sunt orgoillus e curant ;
Quatre serjant les acoeillent devant
Devers une ewe ki est en roi un camp.
Guenes est turnez à perditiun grant ;
3970 Trestuit si nerf mult li sunt estendant,
E tuit li membre de sun cors derumpant ;
Sur l’herbe verte en espant li clers sancs.
Guenes est morz cume fel recreant.
Ki traïst altre, nen est dreiz qu’il s’en vant.Aoi.
CCCXX
3975 Quant l’ Emperere ad faite sa venjance,
Si ’n apelat ses evesques de France,
Cels de Bavière e icels d’Alemaigne :
« En ma curt ad une caitive franche,
3958. Trente en i ad d’icels Ici sunt pendut. Dans Huon de Bordeaux, l’abbé de Cluny, avec ses quatre-vingts moines, se porte otage pour Huon dans son duel avec Amaury. Mais déjà les idées se sont adoucies, et si Huon est vaincu, ses otages seront seulement privés de leurs torres. Ce-
