Page:Gautier - La Chanson de Roland - 1.djvu/294

La bibliothèque libre.
Le texte de cette page a été corrigé et est conforme au fac-similé.
86
LA CHANSON DE ROLAND

Cum il einz pout, del pui est avalez :
Vint as Franceis, tut lur ad acuntet. Aoi.


LXXXII


Dist Olivers : « Jo ai païens véuz ;
1040« Unc mais nuls hom en tere n’en vit plus.
« Cil devant sunt .c. milie, ad escuz,
« Helmes lacez e blancs osbercs vestuz,
« Dreites cez hanstes, luisent cil espiet brun.
« Bataille averez, unkes mais tel ne fut.
1045« Seignurs Franceis, de Deu aiez vertut :
« El camp estez, que ne seium vencut ! »
Dient Franceis : « Dehet ait ki s’en fuit !
« Ja pur murir ne vus en faldrat uns. » Aoi.


LA FIERTÉ DE ROLAND


LXXXIII


Dist Olivers : « Païen unt grant esforz,
1050« De noz Franceis m’i semblet aveir mult poi.
« Cumpainz Rollanz, kar sunez vostre corn :
« Si l’orrat Carles, si returnerat l’oz. »
Respunt Rollanz : « Jo fereie que fols,
« En dulce France en perdreie mun los.
1055« Sempres ferrai de Durendal granz colps,
« Sanglanz en ert li branz entresqu’al or.