Page:Gautier - La Chanson de Roland - 1.djvu/510

La bibliothèque libre.
Le texte de cette page a été corrigé et est conforme au fac-similé.
286
LA CHANSON DE ROLAND

« Pais ne amur de dei à païen rendre.
« Receif la lei que Deus nus apresentet.
« Chrestientet, e pui t’ amerai sempres :
« Puis serf e crei le Rei omnipotente. »
3600Dist Baliganz : « Malvais sermun cumences. »
Puis vunt ferir des espées qu’unt ceintes. Aoi.


CCLXVI


Li Amiralz est mult de grant vertut,
Fiert Carlemagne sur l’helme d’acer brun,
Desur la teste li ad frait e fendut,
3605Met li l’espée sur les chevels menuz,
Prent de la carn grant pleine palme e plus,
Iloec endreit remeint li os tut nuz.
Carles cancelet, pur poi qu’il n’est caüz,
Mais Deus ne voelt qu’il seit morz ne vencuz ;
3610Seinz Gabriel est repairez à lui,
Si li demandet : « Reis magne, que fais-tu ? » Aoi.


CCLXVII


Quant Carles oit la sainte voiz de l’angle,
Nen ad poür ne de murir dutance,
Repairet lui vigur e remembrance.
3615Fiert l’Amiral de l’espée de France,
L’helme li freint, ù les gemmes reflambent,
Trenchet la teste pur la cervele espandre,
E tut le vis tresqu’en la barbe blanche,
Que mort l’abat seinz nule recuvrance ;
3620Munjoie escriet pur la reconuisance.
A icest mot venuz i est dux Naimes,
Prent Tencendur, muntet i li reis magnes.