NOTE 7.
Alexander, episcopus, servus servorum Dei, dilecto filio Petro, abbati monasterii Mauziacensis, cunctis que fratribus tam præsentibus quàm futuris regularem vitam professis, J. N.... Effectum justa postulantibus indulgere, et vigor æquitatis et ordo exigit rationis, præsertim quando potentium voluntatem et pietas adjuvat et veritas non relinquit. Ea propter, dilecti in Domino filii, vestris justis postulationibus clementer annuimus, et præfatum monasterium, in quo divino mancipati estis obsequio, ad exemplar prædecessoris nostri sanctæ recordationis, Adriani, papæ, sub beati Petri et nostrâ protectione suscipimus, et præsentis scripti privilegio communimus, statuentes ut quascumque possessiones, quæcumque bona idem monasterium in præsentiarum juste et canonicè possidet, aut in futurum concessione pontificum, largitione regum vel principum, oblatione fidelium, seu aliis justis modis, præstante Domino poterit adipisci, firma vobis vestrisque successoribus et illibata permaneant. In quibus hæc propriis duximus exprimenda vocabulis : ecclesiam de Gœtteria, ecclesiam de sancto Hilario cum capellâ : ecclesiam de Giaco : ecclesiam de Marencalmis : ecclesiam de Bortis : ecclesiam de Oenc cum parochiâ de Faravel : ecclesiam de Rubiaco, cum appenditiis suis : ecclesiam videlicet de castello et capellà Pontis Gibaldi : ecclesiam de sancto Urso : ecclesiam de Montibus cum capellâ de Castro : ecclesiam sancti Ypoliti : ecclesiam de Vulvico cum capellâ Sanctæ-Mariæ : ecclesiam de Martiaco : ecclesiam de Monestrolo : ecclesiam de Ceresio : ecclesiam de Sana-Cultura : ecclesiam de Cella : ecclesiam de Aluchiis : ecclesiam sancti Andreæ de Pathas : ecclesiam sancti Boniti de Calmis : ecclesiam de Rocca-Fortis cum capellâ de Castro : ecclesiam sancti Boniti montis Pancherii cum capellis de Castro : ecclesiam de Bodonia : ecclesiam sancti Germani cum capelli de Castro :
