[F° 109 d]stronomie, ne la nature des estoiles sanz riens savoir de leur mesure ; pour ce les voudrent mesurer et prouver toute leur grandeur.
Tout premierement[2] voudrent mesurer la grandeur du monde tout entour la terre, tot[3] avant, par quoi il proverent[4] la hautesce des estoiles et la grandeur du firmament tout entour. Car ne sorent trouver ailleurs plus grant mesure a mesurer.
[F° 110 a] Quant il orent mesurée la terre, combien ele estoit lée tout environ, et combien ele a d’espés par mi, si enquistrent après de la lune, pour ce que ce est la mains haute de la terre, et la plus prouchainne. Puis vodrent[5] enquerre du soleil[6], combien il estoit loing de la terre et combien son cors a de grant. Si le troverent[7] assez plus grant que toute la terre n’estoit.
Quant il orent mesurées[8] ces ·iii· choses : le soleill et la lune et la terre, si porent enquerre de le-[F° 110 b]gier des autres estoiles après, combien chascune[9] est près ou loing, et la grandeur de chascune[10]. Dont il n’en trouverent nulle[11] que son cors n’ait[12] plus de grandeur que trestoute[13] la terre n’a, fors trois des planètes sanz plus. Ce est Mercures et Venus ; et la lune si est la tierce. Ce sont ices trois dont chascune est plus petite que la terre n’est [b].
Dont chascuns peut[14] enquerre pour voir, se [F° 110 c] il set l’art de geometrie[15] et l’art d’astronomie avoec[16]. Car ce li couvient il savoir premierement, ainz qu’il en puisse enquerre la verité en savoir. Mais pour ce que tuit ne sont mie bon clerc ne[17] maistre d’astronomie qui le peüssent esprouver, voudrons[18] nous raconter après combien la terre est longue, et combien ele a d’espés par mi, et combien la lune est ensus de la terre, et li solaus[19] qui est desus la lune, et combien chascuns [F° 110 d] a de grandeur ; si comme li rois Tholomeus l’esprouva. Si vous[20] redirons des estoiles, et du firmament, et leur grandeur et leur noblesce, et la hautesce du firmament ; de tout ce vous dirons[21] nous.
Mais nous vous dirons avant du roi Tholomeu[22] qui tant sot de demous-
- ↑ — B : quoy.
- ↑ — A : premiement.
- ↑ — B : tout.
- ↑ — B : prouverent.
- ↑ — B : vouldrent.
- ↑ — B : solleill.
- ↑ — B : trouverent.
- ↑ — B : mesuré.
- ↑ — B : chacune.
- ↑ — A : à partir de « de chascune » jusqu’à « de grandeur » deux fois répété.
- ↑ — B : nule.
- ↑ — B : n’aist.
- ↑ — B : « trés » manque.
- ↑ — B : puet.
- ↑ — A : gemetrie.
- ↑ — B : « avoec » manque.
- ↑ — A : « ne » manque.
- ↑ — B : voudron.
- ↑ — B : souleuls.
- ↑ — A : Si vous.
- ↑ — B : redirons.
- ↑ — B : roy Tholomeus.
