propret, eſt foiblet, eſt doucet, eſt bellot : cette fille de meſme, eſt bellotte, &c. ce viſage eſt longuet ou rondelet : ce muſequin eſt ioly, ce bouïllon ou ce temps eſt froidelet, eſt chaudelet ? Or ces deux-cy de fortune ont eſté des plus drapez, ainſi que i’ay ſceu, par cette ſuffiſance nouuelle, comme inuentez par moy. Toutesfois quand ce reproche ſeroit auſſi vray qu’il eſt faux, & ſi faux que ie les ay peu faire ouyr de la bouche d’vn Prince meſme bien parlant, outre que ie les ay leus, & feray voir frequemment ſi l’on veut en des Liures Imprimez depuis deux & trois années, & nottez, Liures du meſtier exprés de parler des temps, c’eſt à dire, d’Aſtrologie ; ie croirois commettre vne ſottiſe, d’auoir honte qu’on me reputaſt mere de l’vn & de l’autre ; & de cent apres, s’ils auoient vn ſemblable rapport que ces deux cy à la cadence de tant d’autres, auſquels noſtre Langue applique le neuf de la diminution. Ie puis ſans tache de beſtiſe m’abſtenir d’inuenter en ces matieres : mais ie ne pourrois pas ſans beſtiſe & faute de iugement, auoir honte que l’on m’imputaſt d’oſer ſelon les occurences inuenter des choſes que l’Analogie authoriſeroit ſi franchement qu’elle authoriſe ces termes là. Quiconque n’oſe faire vne demarche de ſoy-meſme, retombe en l’enfantillage de ſon maillot, affin de meriter, qu’on luy recoiffe le beguin. Et nous dirons plus, puiſque ce lieu le permet ; que par tout où l’vſage n’eſt point dirrectement contre l’Analogie (comme il eſt particulierement en aucuns de nos verbes, qu’il a charpantez à la poſte) il eſt pour elle : & qu’elle doibt, non pas le ſuyure ou luy ceder, mais l’amplifier hardiment, lors qu’elle ne trouue rien qui s’y oppose, que l’inaccouſtumance & la timidité d’innouer, quand l’innouation eſt vtile.
----- licuit ſemperque licebit,
Signatum preſente nota producere verbum.
Bien eſt-il veritable qu’en tout ce Chapitre, ie renonce au droit d’inuention & d’innouation, ayant proteſté dés l’entrée de reciter nuëment, ſans aduancer rien de mon
