statuts, délivrés à la nouvelle corporation le même jour, furent enregistrés à la prévôté de Paris, le 22 octobre 1341.
Voici ce document in extenso :
« À tous ceux qui ces lettres verront Guillaume Germont, garde de la prevosté de Paris, salut.
« Sachient tuit que nous l’an mcccxlj, le lundi xxij jour d’octobre, veismes bones letres scellées du scel de la dicte prevosté contenant cette fourme.
« À tous ceux qui ces letres veirent Gille Haquin, garde de la prevosté de Paris, salut.
« Sachient tuit que vos à la cort du commun des mènestreus et menestrelles, jongleurs et jongleresses demourant en la ville de Paris dont les noms sont ci-dessous escrips pour la réformacion du mestier de yceuls et le profit commun de la ville de Paris, avons ordoné et ordenons les poins et articles ci-dessous contenus et esclarcis, lesquiex, les personnes ci-dessous nommées ont tesmoingnié et afermé par leurs seremens estre profitables et valables à leur dit mestier et au dit commun de ladite ville, lesquiex poinz et articles sont tiex.
« C’est assavoir que d’ore-en-avant nul trompeur de la ville de Paris ne puist alouer à une feste que lui et ses compaignons ne autre jongleur et jongleresse d’autruy mestier qui soint nécessaires pour ce qu’il en va aucuns qui font marchié d’amener nul taboureurs, villeurs, organeurs et autre jongleurs d’autre jonglerie avecq eulx, et puis prennent lesquiex que il veulent dont il ont bon loié et bon courratage et prennent gent qui riens ne sevent et laissent les bons ouvriers, de quoy li peuple et les bonnes genz sont aucunes fois déçeus, et ainsi le font ou préjudice du mestier et du commun proufit. Car, comment que ceus qu’il prenne sachent peu, ne leur font il pas demander mendre salaire et à leur proufit et les tesmoignent autres qu’il ne sont, en décevant les bonnes gens.
