Page:Héry - Fables créoles et exploration dans l'intérieur de l'île Bourbon, 1883.djvu/40

Et renard touzours séquisait,
Car z'aut' l'était besoin pour nourrir z'aut' marmaille,
Et çà n'a pas bébêt' qui manz' di riz en paille.
Enfin vié bourriquet, tout ladre et tout pelé,
Qui çarriait ball' çarbon pour z'habitans d'brilé,
En baissant son li zié comm' pour dire son rosaire,
Tout comment vié dévot' la racont' son z'affaire ;
"Z'amis l'a dit, pisqu'n'a rien pou cacé,
"Moi dir' dans n'vout' l'oreille çà qu'mon plis gros pécé.
"La honte y 'touffe à moi!…Ein zour, sous ein voitire,
"Dans li coin d'l'équiri de la quire,
"Moi l'a trouv' paquet d'herb' tout frais,
"Bon fataq', ma foi dié! va dir' la mett' exprès
"Pour voir si mon li dents l'est longue!
"Moi la gliss' sous n'hangar vacoi,
"(Li diable aussi çatouille à moi),
"Et moi saut' sis l'fataq' comm' z'anguille sis bouç'rongue.
"Moi, malahél' , l'a dévoré
"Tout' li fourraz' d'moussié l'quiré.
"Ah! qu'fataq' l'était bon! doux comment confitire!"
Tout' bébêt' l'a guélé : "manzer fataq' la quire!!!…
" Çà mêm' bon Dié l'envoyer choléra ;
"Pour nous tout' li-mêm' qui paîra.
"Prendre ein quéq'çôs' li prêtre! Ça n'a pas badinaze…"
Z'aut' la coup' son collet sans tarder davantaze.

 Ein fois qu'vous pauvr' diabl' , si vous n'en a kabar,
Ensemb' man-la zistiç' , fait pas trop vout' vantard ;
Vous n'aura beau fignoler vout' parole,

 Vous l'est trop sir vous va passe à la zeole.