toi z'enfant lou-lou, toi fais ton sais pas quoi,
"Toi fais comment li blancs qui promèn' baraçoi.
"Allons, descends, m'avouz'." Z'enfant n'a pas 'té bête,
Li la r'lève à son tour : "Prends gard', maman, vout' tête,
"Vous sacouill' vout' panier avec vout' l'embarras,
"Sombli fini çappé, brinzell' va timbe en bas."
Mais quand mêm' son raison, la gagné grand la honte;
Arrive ein pé plis loin, li d'scend, li papa monte,
Z'aut' la 'mazin' bien faire avec z'aut' l'arranz'ment,
Mais fait tout ça qui vé di mond' zamais content ;
Ça qui vé flatte à li nana trop fort l'ouvraze,
Pour fait tout' volonté faut qu'nana bon couraze.
A v'là pas qu'arrivé proç' ein pied tamarin,
Z'aut' l'a r'zoindr' trois négress' après vend' flangourin.
Acoute à vous li fill' : "Guett', ma cèr', vié papangue,
"Son z'enfant 'touff' di çaud, li tiré son la langue,
"Et çà verrat l'engrais li roulé son li rein,
"Comment di mond' malad' s'a va rôd' cirizien ;
"Vous n'a pas gouvernèr, visaz' coulèr' marmite,
"Pour fait lèv' la poussièr' ensembl' li pion vout' souite."
Li papa prend colèr' : "Dis, toi n'a pas bésoin
"Zett' ton mauvais raison çà qu'di mond' dans n'cimin,
"Ton la lang' l'est trop l'zèr' , mett' pas moin dans ton conte ;
"Ha dié! bon dié, zourd'hi moi gagné trop la honte,
"Mont' z'enfant vitement si la croup' mon z'ânon."
Pauv' diab' ! Quand son dé maîtr' l'était califourçon,
Li souait, li dos pliait comment bâton vié bobre.
(Rié pas, z'histoir' li vrai, çà l'arriv' mois d'octobre),
Son z'oreille y brannait comment la feill' bambou.
Et pour chant' son manièr', ma foi! n'a point li goût ;
Li va quéti, quéti. Quand qu'l'arriv' Sainte-Marie,
Z'aut' l'a r'zoindr' ein gros blanc, li la commenç qui crie :
"Papa, si ton zân' mert, au moins garde la peau,
"Z'en prendrai des souliers ; porte-là cez Rambeau."
Ça mêm' l'acève à z'aut' : Pauvre papa maïoque!
Quand li voit li blancs mêm' la commenç qui s'en moque ;
A terr' z'aut' dé. A c'thèr' bourriquet, z'oreill' haut,
Comment gros négociant, li promèn' en faraud.
Mais n'a pas tout encor : arrive à proç' la Mare,
La bande moussié Frion l'était fouillé cambâre.
(Moin crois bien commandèr manièr' n'a pas té là),
La commenç' pourgalé : "holà, z'amis, holà!
"Dire ein pé ça z'ânon, cousin di roi Radame,
"Quz'aut'
Page:Héry - Fables créoles et exploration dans l'intérieur de l'île Bourbon, 1883.djvu/44
Cette page n’a pas encore été corrigée
![](http://upload.wikimedia.org/wikipedia/commons/thumb/2/2f/H%C3%A9ry_-_Fables_cr%C3%A9oles_et_exploration_dans_l%27int%C3%A9rieur_de_l%27%C3%AEle_Bourbon%2C_1883.djvu/page44-1024px-H%C3%A9ry_-_Fables_cr%C3%A9oles_et_exploration_dans_l%27int%C3%A9rieur_de_l%27%C3%AEle_Bourbon%2C_1883.djvu.jpg)