tous mes grands chevaulx et meubles qui me faisoient besoing. Vous ne ferés faulte, incontinent la presente receue, à l’aller trouver pour le remercier de ma part, le priant me vouloir continuer ceste bonne volonté de laquelle je me sçauray bien revancher, l’occasion se presentant soit pour luy ou pour les siens. Et quant à ce que vous me mandés que messrs des finances ont faict pour moy tout ce qu’ils ont peu pour faire payer, par delà, à mon tresorier la somme de trois mille livres sur et en deduction de ce qui me reste deu de ma pension de l’annee derniere, asseurés [les] qu’ils me feront encores plus de plaisir de vous faire bailler le reste de la somme, ou vous en faire livrer par eux bonne et seure assignation, pour icelle employer selon qu’il vous sera cy-apres ordonné par ceulx de mon Conseil ; et particulierement vous en prierez de ma part les srs de Sainct-Bonnet[1] et d’Olinville, desquels je m’asseure plus que des aultres pour me faire plaisir. Dont vous ne ferez faulte de m’advertir incontinent. Attant, je prieray le Createur vous avoir, Forget, en sa saincte garde. Escript à Beaufort[2] le xxiije jour de febvrier.
Imprimé. – Recueil de lettres de Henri IV, publié par le comte de Valori ; Paris, F. Didot, 1821, in-8o, page 380.
Monsr de Verac, Encores que je sois, de ceste heure, comme je crois, bien asseuré de mon deslogement de la Cour, desirant que
- ↑ Aimar de Saint-Bonnet, seigneur de Montferrier, coseigneur de Toiras, etc., etc. troisième fils d’Antoine de Saint-Bonnet, seigneur de Toiras, et de Gabrielle de Rochemure. Un de ses fils, né en 1585, fut maréchal de France.
- ↑ Beaufort-en-Vallée, petite ville d’Anjou, aujourd’hui chef-lieu de canton du département de Maine-et-Loire.
- ↑ Joachim de Saint-Georges, chevalier de l’ordre du Roi, seigneur de Vérac, baron de Couhé, etc. fils de Gabriel de Saint-Georges et d’Anne d’Oyron, mort vers 1607. (B. R. cabinet généalogique, article Saint-Georges.)
