et que les forces qu’avez assemblées leur ont porté quelque opinion de guerre, je me suis resolu plus tost pour le general quitter mon particulier, joinct que mon cousin monsr de Strosse est icy pour faire que de la part desdicts catholiques il ne soit rien entreprins. À ceste cause je vous prie, Monsr de Vivans, faire retirer de devant Montignac celles qui se sont assemblées, et que ceste retraite se fasse le plus doulcement qu’il sera possible, empeschant toutes entreprises au prejudice des edicts, etc.
À Nerac, ce iiij avril 1580.
Orig. autographe. – Arch. de la famille de Malet. Communication de M. le marquis Olivier de Malet, et de M. le marquis Albert de Malet.
Monsr de la Jorye, Ayant donné charge à Monsr le vicomte de Turenne de haster la venue de mes serviteurs de delà, je vous ay voulu prier particulierement de vous trouver dans le temps le plus brief au lieu qu’il vous aura mandé. Mondict cousin vous remettra deux lettres de moy pour les sieurs de St Chaman[2] et de Lardimalie. Je vous cognois tel que j’ay en vous parfaicte confiance pour traicter avec eux et me les amener au plus tost et les leurs. J’ay si juste cause que je doibs estre assisté de tous les gens d’honneur. Faites extremement diligence ; ce n’est pas l’heure de mesnager. Soyez asseuré tousjours de la bonne volonté de
