Page:Henri IV - Lettres Missives - Tome4.djvu/82

bl ; i

LETTRES MISSIVES

moyens et instrumens, aussy ils vous redondent à autant plus de gloire et d’honneur. Je vous envoye aussy la commission que vous avés de- sirée, au nom du s' du Passage, pour commander au dict pays en vostre absence, advenant que pour quelque occasion vous ayés à vous en eslongner, m'asseurant que si le cas y eschet, il s'en sçaura bien et dignement acquicter. Quant à la survivance que vous demandés du gouvernement d’Angoulmois et Xainctonge pour vostre fils, vous diray que, encores que _j’en eusse cy-devant accordé quelques-unes, je les ay revocquées, pour le degoustement que ceste ouverture apportoit aux seigneurs et gentilshommes de merite, qui jugeoient que cela tire- roit à telle consequence qu’ils ne pourroient plus esperer de parve- nir par leurs services a aucune charge. Qui est une consideration si pregnante que je m'asseure que ne vouldriés que, à vostre occasion, je rompisse l’ordre que _j’ay resolu d’y tenir, veu le prejudice que . cela apporteroit à mon service ; ne pouvant aussy les honneurs et charges faillir à vostre fils, en temps et par moyens que l’envie et mal contentement d’autruy n'y pourront faire si grand obstacle que main- p tenant, mesmes que m’appartenant comme il faict, j’auray tousjours ‘ autant plus desoing de son advancement._Je vous envoye aussy une — commission en .blanc pour la garde et cappitainerie de la tour du port de Thoulon, me reposant sur vostre prudence de faire si bonne - election que vous puissiés estre asseuré qu'il _n’en adviendra point d’inconvenient à mon dict service. Je suis content de bailler aussy, à vostre recommandation, la commission pour exercer la recepte gene- ralle de mes finances du dict pays, s’il y a occasion de revocquer celle qui a esté cy-devant baillée ; mais _il n’a esté trouvé à propos d’en- voyer la dicte commission en blanc, estant raisonnable que l’on saiche icy quelles personnes sont constituées en Tadministration de telles ’ charges, pour la correspondance qu'elles doivent avoir à mon esa pargne, pour l’estat general de mes finances ; de sorte qu’il a esté advisé de remettre l'expedition de la dicte commission jusques à ce que vous miayés adverty de celluy que vous estes d’advis d’y emploïer. Je suis aussy content que la finance des offices vacans au dict pays