l’en ay fort particulierement instruict pour les vous faire entendre ; je
me plaindray seulement à vous du mauvais oflice que m' de Bouillon
me faict en Allemagne parmy les princes où iltse trouve, comme j’en
ay des advis trés certains, et d’autant plus qu’il ne tient que a luy qu’il
ne sorte de peine ; car j’ay donnema parole à m' l’electeur] pour la
luy donner, que s’il se veult justifier comme il desire que tous ses
amys le croyent, que je favoriseray sa justification de tout mon pouvoir ;
aussy s’il veult confesser sa faulte et l'advouer et m’en demander par-
don, me donnant moyen de le pouvoir croire, que je le luy accor-
deray librement. Vous cognoissés son humeur ; cependant il a des
amys parmi ceulx de la Religion de mon Royaume, lesquels il vou-
droit bien embarquer avec luy pour faire de son faict particulier une
offense generale ; mais jusques icy ils ont esté plus sages ; quoyque
_ parmy eux il y en ayt eu quelques-uns qui ont conclu à me presenter
requeste pour luy ; car, comme ils disent : Il faut dqfendre les maslins
— 1 qui gardent le troupeau. De quoy je vous ay bien voulu advertir, à ce
que si quelque chose de cela advient à vostre cognoissance, vous faciès .
_ cognoistre à un chascun qu’il ne tient qu’à luy qu’il ne soit hors de
peine, si c’est chose qu’il desire. Je veux croire, suivant ce que je
vous ay mande par Licerasse et depuis par le s' de Sansac, que vous
serés allé trouver mon cousin le mareschal d'Ornano, pour mettre fin
à la dispute d’entre luy et le s’de Montespanl, qui est chose que j’af- '
fectionne, à cause de la consequence qu’il y va de mon service : et
remettant le surplus à la sufiisance du dict s' de Puycharnault, je ne
vous en diray davantage que pour vous prier de le croire comme
moy-mesme, et Dieu vous 'avoir, Mons' de la Force, en sa saincte et
digne garde. Ce Xlllje juin, à Saint—Germain en Laye.
‘ L‘appoinzement de cette querelle, ’ la correspondance aussi intéressante que comme on disait alors, est exposé en dé- variée qu’y a jointe le savant éditeur. tail dans les Mémoires de la Force, et dans