DE HENRI IV 1608.--22 octobre - IVme Cop. — Arch. du duc de la Force. Imprimé. — Mémoires de la Force ; publiés par M. le marquis de la Grange, t. Ier, p. 479.
[A M. DE VÉBAC.] . _
Mons[sieu]r de Verac1, Aprés avoir esté particulierement informé de ce qui s’est passé jusqu’icy, touchant le mariage de la damoiselle de Saveille, qui est à present par devers vous, pour eviter les accidens qui en pourroient arriver je me suis resolu de la faire mettre es mains des sieur et dame de Parabelle, pour y demeurer durant deux mois, pendant lesquels le baron de la Force, le fils du s[ieu]r de St-Ger- main et autres la pourront rechercher en toute liberté, ainsy que je mande presentement au dict s[ieu]r de Parabelle, afin de recognoistre ' quelle sera l’inclination de la dicte damoiselle, et qu’elle ne puisse estre forcée en sa volonté ; au moyen de quoy, incontinent la presente, receue, vous la ferés consigner aux dicts sieur et dame de Parabelle, sans aucune longueur ny difficulté, vous dechargeant à ceste fin, par ' ceste-cy, de la promesse que vous avés faicte de la garder et remettre toutes fois et quantes que j’en auray ordonné. Je prie Dieu, Mons[ieu]r de Verac, qu'il vous ayt en sa saincte et digne garde. Escript à Fontai- nebleau, le xxiie jour d’octobre 1608. _ HENRY. Brulart 1 Gabriel de Saint Georges, seigneur de Vérac, de Couché, etc, fils aîné de Joachim de Saint-Georges ( dont il a été fait mention ci-dessus, t.I, p.86) et de Louise du Fou.
