Page:Henri IV - Lettres Missives - Tome7.djvu/667

_ 650

LETTRES MISSIVES

cher. Mais j’estime qu’il sera conseillé de ne declarer si tost ce qui sera de ses intentions, tant pour ne donner ombrage à ses nouveaux subjects, d’eux mesmes assez enclins aux changemens, que pour se mieux reserver le choix des conseils et resolutions qu’il devra prendre., Je ne doubte poinct que n’ayés eu advis de temps à temps, par ceux que vous tenés au traicté des Pays-Bas, de la suite et progres d’iceluy et pareillement de l’estat auquel il se trouve aujourdbuy ; neantmoins, je ne laisseray de vous faire sçavoir que mes ministres ` m’escrivent bien freschement que les provinces particulieres des sieurs des Estats estoient sur la deliberation de la proposition de la ' trefve à longues années, delaquelle les deputez devoient aussy tost _ rapporter la resolution en fassemblée generale, dont on estoit en _ grand doubte, pour s’y estre monstrée la province de Zelande, puis- sante en voix, bien contraire à la dicte trefve, fomentée et fortifiée en ce conseilpar le prince Maurice, qui n’a peu, jusques ici, gouster et bien recevoir le party d’icelle ; de maniere que l’on ne sçait encore que juger de Fevenement, pour la diversité de faction qui se retrouve ‘ parmy les dictes Provinces-Unies, laquelle toutesfois n’a faict ouver- ture à aulcune division ; qui est le but et le desir de leurs ennemys, qui se sont ; possible, promis de leurs longueurs et artifices cest advantage. Mais elles ont esté si Hclellement et soigneusement assis- tées des bons advis et records de leurs vrais amys, qu’elles ont esvité cest inconvenient ; entre lesquels j’estime n’avoir esté des derniers, ' ainsy que je continueray volontiers pour leur bien, repos et seureté, saichant qu’à la defense et manutention de leur cause d’autres princes et Estats nos voisins et amys ne sont peu interessez. Je prie Dieu, mon Cousin, qu’il vous ayt en sa saincte et digne garde. Escript à Paris, le XXV1`]c novembre 1608. - HENRY.