Le texte de cette page a été corrigé et est conforme au fac-similé.
LE SECOND LIVRE
des Odes d’Horace.
À POLLIO.
Il loue ses escrits.
ODE I.
V chantes les ciuils assauts
L’incõstãce du Sort, les maux,
Et des Princes l’ame mutine,
La fierté des dorés harnois,
Les flèches taintes, & les bois,
Enniurés dans l’onde pourprine.
Ouurage qui tient les hasars,
Qui sont au parquet du Dieu Mars,
Où quittant les plus sainctes riues,
Et la paix au front descouuert,
Souz la cendre d’vn feu couuert,
Tu marches par les flammes viues.
