tieuses remonstrances, pitie entra de les lueurs de ces deux roys, refroidit soudain leur entente et bouillante fureur de forte qu'ilz prindrent a mercy radegonde et son frere qu'ils bailerent en seure garde ivsques au parfaict de leur victoire laquelle obtenue (qui fut selon Sigibert [1] en l'an de notre salut cinq cens vingt et quatre) partirent entre eulx le gaing et butn de leur conqueste et en donnerent et distribuerent a leurs gensdarmes ainsi que bon leur sembla et tellement qu'il ne reftoit plus que a determiner et conclure auquel demourroit Radegonde.
Theodoric la vouloir avoir, aussi le roy clotaire et furce y eut quelque debat entre eulx qui fut pacifie par sort et accorde enstre eulx que celuy auroit Radegonde auquel le sort vindroit Ce qui fut fait selon l'histoire de sainct fortune. Et par sort de moura radegonde a clotaire et son frere a theodoric dont icelluy theodoric fut fort dolent et courrousse par le dedans sans en faire foi aucun semblent.
Commant le roy theodoric apres la conqueste de thuringe voulut faire mourir le roy clotaire son frere
Chapitre cinquiesme
On peut cy contempler et ymaginer que fi la noble pucelle radegonde neust este parfaictement belle de beaulte corporelle, et bien acomplie de toutes autres graces appartenans a fille extraicte de royalle maison : que les deux freres neussent eu question et different pour elle. Ce qu'ilz eurent comme a escript eppressement ledit fainct fortune et aussi maistre vincent de beauvaiz en son miroir Ristorial [2] et anthonin florentinus en sa cronique iacoit ce que figibert ne ait rien escript en la cronique. mais seullement quelle demoura a clotaire. Bien a escript ledit fainct gregoire oudi VII chapitre du tiers liure de la cronique : que theodoric apres lad victoire voulut faire mourir clotaire et le tuer et occire en trahison et que pour ce faire theodoric feit musser derriere la tapisserie de
