Cette page a été validée par deux contributeurs.
LE VOYAGE DV ROY
Monts dorez, ſur leſquelles y a en tout temps de la neige.
| Pour ce iour | ii. lieuës. |
Et le dimanche dernier iour de Mars, diſner audit lieu, puis apres diſner ledict Sieur Roy alla paſſer par deſſus le bord d’vn grand Lac, de fort grande eſtendue, auquel y a grande abondance de beau & bon poiſſon, & principalement des plus belles & meilleures Breſmes que lon peult veoir. Et cedict iour le Roy alla coucher à Clermont en Auuergne, qui eſt vne belle & bonne ville, Eueſché.
| Pour ce iour | iii. lieuës. |
Par dela icelle ville de Clermont y a vne haulte montaigne que lon appelle le puys du Doſme, ſur icelle montaigne y a vn grand gouffre, duquel il ſort ordinairement vne grand fouldre de grelle & tõnerre, qui gaſte
