Cette page a été validée par deux contributeurs.
25
PAR SON ROYAVME.
mois diſna au Riolle, belle petite ville, ou il feit ſon entree, & apres diſner alla paſſer par entre des Rochers fort haults & faſcheux, pour aller coucher à la Cadiere, belle petite ville, ſus vne montaigne. Entree.
| Pour ce iour. | iii. lieuës. |
Le Dimanche cinquieſme iour dudict mois diſna audict lieu. Et apres diſner alla paſſer encores de faſcheuſes Roches, pour aller coucher à Aubenes, belle petite ville & Chaſteau ſus montaigne. Entree.
| Pour ce iour. | iiii. lieuës. |
Le Lundy ſixieſme iour de Nouembre diſna à la Baſtille & iardin de Gauſet, qui eſt vne fort belle petite maiſon pres Marſeille, puis apres diſner le Roy ſ’en alla mettre en vn beau theatre, qui luy auoit eſté preparé
