Cette page a été validée par deux contributeurs.
43
PAR SON ROYAVME.
S’enſuit ce qui eſtoit eſcrit en quatre tableaux, qui eſtoyent ſeparez en quatre endroicts le iour de ladicte entree.
Ce qui eſtoit ſur le portail de la
ville, ou ladicte ville eſtoit
pourtraicte.
ville, ou ladicte ville eſtoit
pourtraicte.
Du hault des cieux iadis ie fuz eſleuë
Pour aux Gaullois rendre fidelité :
Donc, O mon Roy, tiltre de non polluë
Iuſques icy ſans fleſchir ay porté :
Maintz portz marins ſoubz mes droictz ay dompté,
Et bien qu’encor Tetis me tienne ancree,
Ores ie tombe, & penche d’vn coſté
Sans le ſupport de voſtre main ſacree :
Voſtre grandeur oultrepaſſe les vndes
De l’Occean, & me peult exceller
Le hault ſucces de vos graces fecondes
Sur Macedon deſirons exceller.
