Cette page n’a pas encore été corrigée
Les bois, les viles et le plain.
Frolles durement menaça,
De jurer ne s’apereça,
Dex tot par menbres dépeça,
Que Artur mal s’i aproça,
Artur, qui n’out pas cuer de glace,
Preisa mout petit sa menace ;
Mieux l’amast à tenir en place
Que voer Dieu en mi la face.
Artur, qui out granl desierrer,
Se fist matin aparellier,
Lui et Labagu son destrier,
Et se fist en l’isle nagier.
Frolles jusqu’à tierce dormi,
Et lors quant il se desdormi
Endeseétes s’estormi
Com se l’eussent point formi.
Franceis, qui moroient d’ennui,
Li distrent : « Lèverez-vos hui ? »
II dist aol, et de nullui
N’ont François aol fors de lui.
Tot on gesaunt, sanz sei drecier,
Se fist Frolles aparellier ;
D’ilonc sunt Franceis costumier,
Que en gesant se font chaucier.
