Ceux qui ont publié l’excellence de la vérité ont diuinement dit, que Dieu estoit toute vérité, & que si son essence merveilleuse se pouuoit representer en un estat visible, il auroit pour corps la lumière, & la vérité pour ame ; ainsi ne seroit autre chose en effet, qu’une verité resplendissante & cognuë. C’est de cette viue & primitive source que découlent ces belles veritez, qui arrousent le champ spacieux de toutes les sciences, tant divines qu’humaines. Mais d’autant quelles passent par tant de lieux, qu’il est impossible qu’elles n’en reçoivent diverses impressions, & qu’elles y arrivent en leur pureté ; mesmes que la malice & ignorance des hommes en rompent le cours : Ceux qui en desirent traicter, mandient, d’ordinaire le secours de quelque authorité puissante & souveraine, non seulement pour couurir les deffauts de leur propre infirmité, mais aussi pour preuenir & estouffer la peruersité & foi|blesse estrangere. Or si
