les plus difficiles & abstrus secrets des sciences. C est là, MADAME, cette autre moisson de gloire qui se presente à vostre Majesté, estant la plus grande d’entre les Reynes Chrestiennes, tout ce qu’il y a de grand & singulier doit estre l’objet de vostre genereuse ambition : Ainsi vostre juste ialousie ne permettra qu’aucun luy rauisse cette palme des mains. Epoint d’vn pur desir & de l’attente que ces considerations porteront coup en la douceur de vostre bon iugement : I’ay voulu à l’abry de vostre grandeur, donner à la Noblesse Françoife un auant goust de cette facilité qui paroist en l’apprentissage des sciences que plusieurs estiment de rude & espineux accez. L’opinion que i’ay eu de faire choses qui leur soit vtile & à vous agréable, m’a rehaussé le courage par dessus mes forces ordinaires, esperant que cet œuvre reussira sous l’authorité de vostre nom tres-auguste, & que vous estant à gré, il fera bien receu du public. Que si pour marque de cette approbation vous m’honorez de vos commandemens, alors mon esprit se surmontant soy-mefme par l’inspiration de vostre faueur, s’ose promettre de produire à l’aduenir quelque plus grand fruit qui authorisera pleinement l’hommage d’vne parfaite obeïssance que vous desire rendre,
.
