¶ il y eut vn Sophiste de la Palestine de ce nom disciple de Minucian, lequel en si peu de temps qu’il vescut a escrit tant de Liures que c’est merueille, selon Suidas.
Geneve ville & Cōté de Savoye, située à l’emboucheure du Rhosne près le lac Léman, dit autrement Losane ou de Genève. Elle fut bastie par Léman fils de Paris, qui regnoit en Gaule enuiron l’an du monde 2994. Cesar au lieu de ses Comment. dit qu’elle estoit sous la puissance des Suisses. Ayant esté bruslée du temps de l’Empereur Heliogabale, elle fut reédifiée par Aurcitan aussi Empereur, dont elle fut nommée Aureliane. Les Euesques de Geneve estant en différent auec les Comtes d’icelle pour la domination de la ville, les Genevois appellerent à leur secours vn Comte de Sauoye ; si bien que l’Euesque luy octroya qu’il possederoit en la ville en titre d hypothèque ce que les Comtes y possedoient auparauant : Mais à cause qu’il traictoit les Genevois tyranniquement, ils r’appellerent leur Comte, qui toutefois en fut chassé par les Sauoyars, qui onr tiré à eux la Iurisdiction desdits Comtez. Finalement Amé Prince de Sauoye, fasché de se voir au dessous d’vn Euesque tascha de se mettre au dessus, & impetra de l’Empereur Charles IV. d’estre Vicaire de l’Empire que l'Euesque luy fust subject, auquel l’Euesque toutefois resista : mais Amé VIII, neveu du premier, impetra du Pape Martin la Iurisdiction temporelle, dont tourefois il n'a pû jouyr non plus que les Euesques, en ayant totalement esté depoüillez par les Caluinistes, qui du temps du Grand Roy François s’en emparerent, & y tiennent encore de present toute l'authorité tant temporelle que spirituelle : & de fait, ils y ont formé vne Republique, dont les Statuts & Ordonnances sont tres-bien établis, selon le tesmoignage de Bodin en sa
Republique. Les habitans, bien que grossiers en leurs mœurs, ont toutes-fois vn bon esprir, haïssans au reste les estrangers Catholiques, mais y recueillent fort benignement ceux de la Religion pretenduë, laquelle ils observent tres-estroitement, cette ville estant comme la pépinière des Ministres de France. Les Allemans l’appellent Genf. Mercator.
Ste Geneuiesue Vierge Parisienne du temps du Roy Clouis I. est grandement honoré par les Parisiens. Saint Grégoire de Tours a escrit sa vie miraculeuse.
genezareth ou Genezar, lac de la Galilée, prés lequel Iefus-Christ appella ses Apostres. Luc. 5. Il a 140. stades de longueur, & 4 de largeur. L’Escriture Saincte (qui appelle mer tout amas d’eau) le nomme mer de Tyberiade à cause d’vne ville de mesme nom qui en est voisine, & mer de Galilée.
Genie estoit le Dieu estimé par les anciens presider à la generation des choses d'où il apris son nom. Pausanias en l'Estat d’Achaïe, le fait fils de Iupiter & de la terre. On l’estimoit aussi Dieu des plaisirs & de ioyeuseté, & partant croit-on qu’il accompagnoit tousiours les hommes dés leur naissance, les prenant en sa garde & protection. Mesmes croyoïent ils que chacun en auoir deux, l’vn bon, & l'autre mauuais, comme se void dans Plutarque de ceux qui apparurent à Brutus & à Cassius. Ils estimoient que non seulement les creauturcs humaines auoient plusieurs Génies, mais aussi les plantes, bastimens & places. Le peuple Romain auoit aussi son Genie, & Tertulien escrit que les grands sermens se faisoient par le Génie des Princes ; & Suetone rapporte que l’Empereur Caligula en auoit fait mourir plusieurs pour n’auoir point juré par son Génie. On luy faisoit sacrifice en luy presentant du vin
dans
