| DE MAHOMET. | 97 |
& Prudent en ce qu’il fait, il ſera teſmoin que l’Alcoran t’a eſté envoyé avec ſes commandemens, les Anges le teſmoigneront auſſi, mais il te doit ſuffire que Dieu en ſoit teſmoin. Les infidelles qui ont empeſché le peuple de ſuivre la loy de Dieu eſtoyent grandement dévoyez, Dieu ne leur pardonnera pas, il les conduira au chemin de l’Enfer, où ils demeureront eternellement, c’eſt choſe facile à ſa divine Majeſté : O peuple il vous eſt venu un Prophete qui vous preſche la verité de la. part de voſtre ſeigneur, croyez-le, vous ferez bien, ſi vous ne le croyez pas, ſçachez que tout ce qui eſt en la terre & ſçait tout ce que vous faites. O vous qui ſçavez la loy eſcrite[1], obeïſſez aux commandemens de Dieu, & ne parlez de ſa divine Majeſté qu’avec verité, le Meſſie Jeſus Fils de Marie eſt Prophete & : Apoſtre de Dieu, ſon Verbe & ſon Eſprit qu’il a envoyé à Marie, croyez donc en Dieu &, en ſes Prophetes, & ne dites pas qu’il y a trois Dieux, mettez fin à ce diſcours, vous ferez bien, car il n’y a qu’un ſeul Dieu, loüé ſoit Dieu, il n’a point d’enfant, tout ce qui eſt au Ciel & en la Terre luy obeit, c’eſt aſſez qu’il en ſoit teſmoin. Le Meſſie ne tient pas à deshonneur d’eſtre, ſerviteur de Dieu, ny les Anges, ny les Cherubins ; Celuy qui tient à deshonneur d’eſtre à ſon ſervice eſt trop orgueilleux, il raſſemblera tout le monde au jour du Jugement, & chacun recevra le ſalaire qu’il aura merité, il augmentera ſes graces ſur ceux qui auront crû en ſa
- ↑ Ce ſont les Juifs & les Chreſtiens.
